Ordu.az xəbər verir ki, bunu erməni hüquqşünas Ara Qazaryan Ermənistanın keçmiş xarici işlər naziri Ara Ayvazyanın bəyanatını şərh edərkən deyib.

O vurğulayıb ki, Ermənistan ərazisi ilə bağlı istənilən dəyişiklik referendum tələb edir, referendumdan sonra hər hansı ərazinin verilməsi beynəlxalq müqavilə ilə müəyyən edilir, bu, tərəflərin iradəsini təsdiq edən sənəddir.

“Sənəddə iradəni təsdiq etməklə yanaşı, bir çox mexanizmlər, xüsusən də həmin ərazidə yaşayan sakinlərin həyati və sosial hüquqları göstərilməlidir. Ona görə də bu, məsələn, sülh müqaviləsinin miqyasında sənəd ola bilər”, - deyə Qazaryan bildirib.

Erməni hüquqşünas qeyd edib ki, Ermənistan Müdafiə Nazirliyi memorandum imzalaya və əraziləri Azərbaycana verə bilməzdi, bu, qanunsuzdur.

Alpər Mövludoğlu
Ordu.az