Ordu.az xəbər verir ki, KAI-nin beynəlxalq biznesin inkişafı üzrə vitse-prezidenti Şin Donq Hak Manilanın iki mühərrikli təyyarə haqqında məlumat tələb etdiyini və KAI-nin cavab hazırladığını deyib.
“KF-21 haqqında RFI yayımladılar və biz hazırda cavabımızı hazırlayırıq”, - deyə Şin qeyd edib.
Manilanın Çoxməqsədli Döyüş Təyyarəsi (MRF) tenderi “Lockheed Martin F-16” və “Saab Gripen” olmaqla, 2 təyyarənin rəqabət aparmasıyla bir neçə ildir davam edir.
Filippin artıq KAI üçün mühüm bazardır, 12 ədəd FA-50 təyyarəsindən istifadə edir və daha 12 ədəd almaq niyyətindədir.
Şin əlavə edib ki, KAI KF-21 ilə bağlı Yaxın Şərqdəki bir ölkə ilə çox dərin müzakirələr aparıb.
Sevinc Əliyeva
Ordu.az
