Ordu.az xəbər verir ki, Akşit yerli istehsal olan mühərrikin Türkiyənin “Anka”, “Aksungur” və “Bayraktar TB3” kimi aparıcı Pilotsuz Uçuş Aparatlarının (PUA) enerji mənbəyi olduğunu vurğulayıb.

“PD-170 mühərrikimiz həm “Anka”, həm “Aksungur”, həm də “Bayraktar TB3”ə güc verməyə və rekordlar qırmağa davam edir”, - deyə o qeyd edib.

Akşit mühərrikin yanacaq səmərəliliyi baxımından da iddialı olduğunu bildirib.

“Bizim mühərrikimiz öz sinfində ən az yanacaq sərf edən mühərrikdir”, - deyə o vurğulayıb.

TEI-nin PD-170 mühərriki təkcə yerli deyil, beynəlxalq arenada da diqqəti cəlb edir.

Mühərrikin xaricdən gördüyü marağa toxunan Akşit əlavə edib: “İkinci sifarişimizi aldıq. Mühərriklərin tədarükü bu il həyata keçiriləcək. Bu arada üçüncü müştərimiz sifariş mərhələsindədir. Aviasiya sərgisində də dördüncü müştəri gəldi”.

Sevinc Əliyeva
Ordu.az