Ordu.az xəbər verir ki, tək mühərrikli, tandem oturacaqlı təyyarə olaraq dizayn edilən “Hürjet” Türkiyə Hərbi Hava Qüvvələrində (HHQ) təlim üçün istifadə edilən köhnə T-38-ləri və akrobatika komandaları üçün istifadə edilən F-5-ləri əvəz etməyi hədəfləyir.

TUSAŞ Baş direktoru Mehmet Demiroğlu “Hürjet”in EIAS-da premyerasından duyduğu həyəcanı dilə gətirib.

“Bu tədbir “Hürjet”in imkanlarını nümayiş etdirmək və regionda potensial əməkdaşlıqları araşdırmaq üçün ideal fürsətdir”, - deyə o qeyd edib.

Xatırladaq ki, 2024-cü il aprelin 25-də ilk uçuşunda “Hürjet” 14.000 fut yüksəkliyə, 250 düyün sürətə çataraq və 26 dəqiqə havada qalaraq, tamaşaçıları heyran edib.

Sevinc Əliyeva
Ordu.az