Orban: "Macarıstan Ukraynadakı müharibənin bitməsinin tərəfdarıdır"

2024/06/1718082289.jpg
Oxunub: 292     03:45     23 İyun 2024    
Macarıstanın baş naziri Viktor Orban ölkəsinin iyulun 1-də başlayacaq Avropa İttifaqı Şurasına sədrliyinin ən mühüm məqamları arasında Ukraynadakı münaqişənin sona çatmasını qeyd edib.

Ordu.az xəbər verir ki, bu barədə o, Almaniyanın “Funke” media qrupuna müsahibəsində deyib

“Ən vacib məqamlar: biz Avropa iqtisadiyyatının rəqabət qabiliyyətini artırmaq istəyirik. Biz müharibənin bitməsinin tərəfdarıyıq. Və miqrasiya problemi həll edilməlidir. Bundan əlavə, biz əmin olmaq istəyirik ki, Aİ-nin genişlənməsi məsələsində Qərbi Balkanlara doğru irəliləyiş var”, - deyə o qeyd edib.

Orban miqrasiya məsələsinə daha ətraflı toxunub. O qeyd edib ki, Macarıstan artıq ölkədən kənarda sığınacaqla bağlı müraciətlərə baxılması sxemini qurub:

“Əgər miqrantlar Macarıstana gəlmək istəyirlərsə, əvvəlcə Macarıstan səfirliyinə, məsələn, Serbiyanın paytaxtı Belqraddakı səfirliyinə getməlidirlər. Orada bütün sənədlər öyrəniləcək. Yalnız Macarıstan hakimiyyəti yaşıl işıq yandırsa, miqrantlar içəri daxil ola biləcək, əks halda yox”.

O qeyd edib ki, Almaniya kansleri Olaf Şoltsun miqrasiya probleminin həlli yollarını tapmaq, o cümlədən Aİ hüdudlarından kənar müraciətlərə baxmaq cəhdlərini alqışlayır.

Ordu.az

© Materiallardan istifadə edərkən hiperlinklə istinad olunmalıdır


Teqlər: Orban   Macarıstan   Ukrayna  


Bizi "telegram"da izləyin