“Hizbullah” lideri müharibə zamanı İsrailin təhlükəsiz bölgəsinin olmayacağını deyib

2023/11/6398f-1699019368.jpg
Oxunub: 321     23:21     19 İyun 2024    
Hizbullah lideri Həsən Nəsrullah İsraili təhdid edərək bildirib ki, İsrail Livanda ümumi müharibə başlatsa, Yəhudi dövləti qurudan, havadan və dənizdən hücumlar üçün hazırlaşmalıdır və Aralıq dənizi regionunda vəziyyət tamamilə dəyişəcək.

Ordu.az xəbər verir ki, “The Times of Israel” nəşrinin məlumatına görə Həsən Nəsrullah müharibənin olacağı təqdirdə İsrailin heç bir bölgəsinin “Hizbulahın” hücumlarından yan keçməyəcəyini bildirərək, təşkilatın qaydasız, sərhədsiz formada vuruşacağını deyib.

“Düşmən yaxşı bilir ki biz özümüzü ən pis vəziyyət üçün hazırlamışıq və heç bir yer roketlərdən kənarda qalmayacaq.” – deyə təşkilatın lideri bildirib.

Nəsrullah eyni zamanda ilk dəfə Kipri də təhdid edərək bildirir ki, Hizbullah onu da müharibənin bir hissəsi kimi nəzərdə tuta bilər və müharibə olacağı təqdirdə İsrail Müdafiə Qüvvələrinə ölkədəki logistik infrastrukturdan istifadəyə icazə versə oradakı hədəfləri də vura bilər.

Ordu.az

© Materiallardan istifadə edərkən hiperlinklə istinad olunmalıdır


Teqlər: Hizbullah   İsrail  


Bizi "telegram"da izləyin