Litva lideri Nauseda seçkilərdə qalib gəlir

2024/05/1716786108.jpg
Oxunub: 129     00:54     27 May 2024    
Prezident seçkilərinin ikinci turunda Litvanın hazırkı Prezidenti Gitanas Nauseda 74,82 % səslə liderdir, ikinci namizəd baş nazir İnqrida Şimonite isə səslərin 23,67 %-ni toplayıb.

Ordu.az xəbər verir ki, bu barədə Litvanın Baş Seçki Komissiyasının ilkin nəticələrindən bəlli olub.

Yekun nəticələr daha sonra açıqlanacaq, lakin Şimonite artıq məğlubiyyətini etiraf edib.

“Mən Litvanın seçilmiş prezidentini təbrik etmək istəyirəm”, – o söyləyib.

Nauseda isə öz qələbəsini elan edib: “Onlar (Litva xalqı – red.) mənə böyük etimad mandatı verdilər və mən çox yaxşı başa düşürəm ki, bu etimadı dəyərləndirməliyəm”.

Qeyd edək ki, Litva parlament ölkəsidir, lakin ölkə prezidenti xarici və daxili siyasətə təsir edə bilər. Bundan əlavə, o, Nazirlər Kabinetinin tərkibini təsdiq edir. 60 yaşlı Gitanas Nauseda 2019-cu ilin iyulundan ölkəyə rəhbərlik edir. O, əvvəlki seçkilərdə olduğu kimi, bu yarışda da müstəqil namizəd kimi çıxış edib.

Litvada prezident seçkilərinin birinci turu mayın 13-də olub – o zaman siyasətçilərin heç biri 50 %-dən çox səs toplaya bilməyib. Nauseda 45,64 %, Şimonite 17,27 % səs yığıb. Üçüncü yeri 12,49 % səslə vəkil İqnas Vegele tutub və sonucda prezidentlik yarışından çəkilib.

Ordu.az

© Materiallardan istifadə edərkən hiperlinklə istinad olunmalıdır


Teqlər: Litva   Nauseda   Seçki  


Bizi "telegram"da izləyin