Norveç, İrlandiya və İspaniya Fələstini suveren ölkə kimi tanıyıb

2024/05/Ekran-1716402752.jpg
Oxunub: 215     22:25     22 May 2024    
Birləşmiş Millətlər Təşkilatının (BMT) Baş katib Antoniu Quterreş İsrail-Fələstin probleminin iki dövlətli həllini dəstəkləməyə davam edəcək.

Ordu.az xəbər verir ki, bunu Baş katibin sözçüsü Stefan Dujarrik jurnalistlərə açıqlamasında deyib.

Sözçü Norveç, İrlandiya və İspaniyanın Fələstini suveren ölkə kimi tanıyacaqları ilə bağlı bəyanatlarını dəyərləndirib.

S.Dujarrik bu qərarın suveren ölkələr tərəfindən verildiyinə diqqət çəkib və BMT-nin tərəflərin bölgədə atəşkəsə nail olması üçün çağırışları davam etdirdiyini bildirib: "Bu yolla bölgəyə humanitar yardım göstərə, məhbuslar azadlığa çıxa və siyasi müzakirələr davam etdirilə bilər".

Məsələyə münasibət bildirən BMT Baş Assambleyası prezidentinin sözçüsü Monika Qreyli isə deyib ki, təşkilatın Assambleya sədri Dennis Frensis üzv ölkələrin qərarlarına qarışmır: "Dennis Frensis Baş Assambleyanın iki dövlətin dinc yanaşı yaşamasını təmin edən bütün qətnamələrini qətiyyətlə dəstəkləyir".

Ordu.az

© Materiallardan istifadə edərkən hiperlinklə istinad olunmalıdır


Teqlər: Norveç   İrlandiya   İspaniya   Fələstin  


Bizi "telegram"da izləyin