Prezidentin xüsusi nümayəndəsi: "Qarabağı Azərbaycanın ekoregionu adlandırmaq olar"

2022/12/Vahid-1672405103.jpg
Oxunub: 166     17:19     24 Aprel 2024    
Qarabağ regionunu bütövlükdə Azərbaycanın ekoregionu adlandırmaq olar.

Ordu.az xəbər verir ki, bunu jurnalistlərə Azərbaycan Prezidentinin Cəbrayıl, Qubadlı və Zəngilan rayonları üzrə xüsusi nümayəndəsi Vahid Hacıyev deyib.

V.Hacıyev qeyd edib ki, Azərbaycan Prezidenti İlham Əliyev işğaldan azad edilmiş əraziləri “yaşıl enerji” zonası elan edib. Xüsusi nümayəndə bununla bağlı istər yaşayış, istərsə də inzibati binaların hamısında günəş panellərinin quraşdırıldığını qeyd edib: “Zəngilan rayonunda ümumi gücü 42 kilovat olan 4 kiçik su elektrik stansiyası artıq istifadəyə verilib. Bundan əlavə, Ağalı kəndində Arximed turbin tipli su elektrik stansiyası inşa edilib, bu da kəndin daxili elektrik enerjisinə olan tələbatını tam ödəyir”.

Prezidentin xüsusi nümayəndəsi xatırladıb ki, Cəbrayıl və Zəngilan rayonlarının günəş enerjisinin inkişafı üçün əhəmiyyətli potensialı var: “Bu potensialı nəzərə alaraq, Böyük Britaniyanın BP şirkəti Cəbrayılda 240 meqavat gücündə elektrik stansiyası, “Nobel Energy” isə tərəfdaşları ilə birlikdə 100 meqavat gücündə günəş elektrik stansiyası tikməyi planlaşdırır”.

Ordu.az

© Materiallardan istifadə edərkən hiperlinklə istinad olunmalıdır


Teqlər: Qarabağ   Azərbaycan  


Bizi "telegram"da izləyin