Ərdoğan 12 il sonra İraqa rəsmi səfər edib - YENİLƏNİB

2024/04/1713783393.jpg
Oxunub: 323     14:46     22 Aprel 2024    
Türkiyə Prezidenti Rəcəb Tayyib Ərdoğan 12 il sonra İraqa rəsmi səfər edib.

Ordu.az-ın verdiyi xəbərə görə, bu barədə Türkiyə Prezident Administrasiyası məlumat yayıb.

Səfər çərçivəsində, o, Bağdadda İraq Prezidenti Əbdüllətif Rəşid ilə görüşüb.

***

Türkiyə Prezidenti Rəcəb Tayyib Ərdoğan 13 ildən sonra ilk dəfə İraqa rəsmi səfərə gedib.

Ordu.az xəbər verir ki, məlumatı “TRTHaber” yayıb.

R.T.Ərdoğan İraq Prezidenti Əbdüllətif Camal Rəşid, Baş nazir Məhəmməd Şiya əs-Sudani ilə görüşəcək.

Bildirilib ki, bu tarixi səfər çərçivəsində təhlükəsizlik məsələsi başda olmaq ticarət əlaqələri, su problemi, təbii qaz və neft ixracı müzakirə olunacaq. Tərəflər arasında terrora qarşı mübarizə mərkəzinin yaradılması planlaşdırılır.

Məlumata görə, Türkiyə və İraq 2030-cu ilədək ticarət dövriyyəsini 20 milyard dollara çatdırmaq istəyir.

R.T.Ərdoğanı səfərdə xarici işlər naziri Hakan Fidan, daxili işlər naziri Əli Yerlikaya, milli müdafiə naziri Yaşar Güler, ticarət naziri Ömər Bolat, nəqliyyat və infrastruktur naziri Abdulkadir Uraloğlu, kənd təsərrüfatı və meşəçilik naziri İbrahim Yumaklı, sənaye və texnologiya naziri Fatih Kacır, Prezident Administrasiyasının kommunikasiya idarəsinin rəhbəri Fahrettin Altun, prezidentin xarici siyasət və təhlükəsizlik məsələləri üzrə baş müşaviri səfir Akif Çağatay Kılıç müşayiət edir.

Ordu.az

© Materiallardan istifadə edərkən hiperlinklə istinad olunmalıdır


Teqlər: Türkiyə   Prezident   İraq  


Bizi "telegram"da izləyin