Azərbaycanın mina problemi beynəlxalq simpoziumda müzakirə olunub - FOTO

2024/04/5b026-1713187950.jpg
Oxunub: 146     17:09     15 Aprel 2024    
Azərbaycanın işğaldan azad edilmiş ərazilərində mövcud mina və partlamamış hərbi sursat problemi Xorvatiyanın Tsavtat şəhərində keçirilən Mina Təhlükəsinə Qarşı Mübarizə üzrə 20-ci Beynəlxalq Simpoziumda müzakirə olunub.

Ordu.az-a bununla bağlı məlumat Azərbaycan Minatəmizləmə Agentliyindən verilib.

Qeyd edilib ki, beynəlxalq tədbirdə Xorvatiyanın bir sıra dövlət rəsmiləri, müxtəlif ölkələrin minatəmizləmə qurumları, bu sahədə ixtisaslaşmış qeyri-hökumət və donor təşkilatların nümayəndələri, habelə istehsalçı şirkətlərin təmsilçiləri iştirak edib.

Sözügedən simpozium çərçivəsində mina təhlükəsi mövzusunda texniki və idarəetmə problemlərinin həlli yolları, ən son elmi-praktiki nailiyyətlər və minalarla mübarizəyə dair təcrübə mübadilələri aparılıb, o cümlədən, müxtəlif şirkətlər tərəfindən istehsal olunan avadanlıqlar nümayiş olunub.

Agentliyin nümayəndə heyətinin üzvləri tədbirdə Azərbaycanın işğaldan azad edilmiş ərazilərində mövcud mina və partlamamış hərbi sursat problemi, partlayıcı qurğularla kütləvi şəkildə çirklənmənin miqyası, mövcud problemin bərpa-quruculuq işlərinə, eləcə də keçmiş məcburi köçkünlərin qayıdışına yaratdığı maneələr barədə təqdimatla çıxış edərək, bu sahədə beynəlxalq əməkdaşlığın və dəstəyin vacibliyinə toxunublar.



Ordu.az

© Materiallardan istifadə edərkən hiperlinklə istinad olunmalıdır


Teqlər: Azərbaycan   Mina   Simpozium  


Bizi "telegram"da izləyin