"Rusiyadan asılılıq strateji səhvdir" - Armen Qriqoryan

2022/12/63946-1670680712.jpg
Oxunub: 150     14:12     02 Mart 2024    
Ermənistanın Rusiyadan 1991-ci ildən davam edən güclü asılılığı strateji səhv olub.

Ordu.az xəbər verir ki, Ermənistan Təhlükəsizlik Şurasının katibi Armen Qriqoryan Ermənistanın ictimai televiziyasının efirində deyib.

Onun sözlərinə görə, İrəvan 20 il ərzində, demək olar ki, bütün istiqamətlər üzrə - siyasət, iqtisadiyyat, elm və hərb sahəsində Moskvadan asılı olub.

"Lakin 2020-ci ildə görəndə ki, bu sistem işləmir, Ermənistan hakimiyyəti ölkənin təhlükəsizliyini təmin etmək məqsədilə alternativlərə malik olmaq üçün addımlar atdı. Yəni təhlükəsizlik sistemi həm ikitərəfli, həm də KTMT çərçivəsində çoxtərəfli əsasda işə yaramadığı üçün addımlar atıldı", - Qriqoryan deyib.

Qeyd edək ki, bir qədər əvvəl erməni KİV Ermənistanın Avropa İttifaqına (Aİ) üzvlüyə namizəd olmaq üçün müraciət edəcəyi barədə məlumat yayıb.

Məlumata görə, Ermənistanın baş naziri Nikol Paşinyan partiya üzvlərinə qərar qəbul etdiyini və yaxın günlərdə, maksimum ay ərzində ölkənin Aİ üzvlüyünə namizəd olmaq üçün müraciət edəcəyini bildirib.

Ordu.az

© Materiallardan istifadə edərkən hiperlinklə istinad olunmalıdır


Teqlər: Qriqoryan   Ermənistan  


Bizi "telegram"da izləyin