Husilərin yük gəmisinə hücumu Qırmızı dənizdə neft ləkələrinə səbəb olub

2024/02/1708329532.jpg
Oxunub: 132     08:14     24 Fevral 2024    
Yəməndə husi üsyançıları “Ansar Allah” tərəfindən Britaniyanın “Rubymar” yük gəmisinə hücumundan sonra Qırmızı dənizdə neft ləkələri əmələ gəlib.

Ordu.az-ın məlumatına görə, bu barədə ABŞ-ın Silahlı Qüvvələrinin Mərkəzi Komandanlığı xəbər yayıb.

"Fevralın 18-də husilər "Rubymar" yük gəmisinə hücum etdilər. Husilərin səbəbsiz və ehtiyatsız hücumu gəmiyə ciddi ziyan vurdu və nəticədə 18 mil (təxminən 29 km) ərazidə neft ləkəsi əmələ gəldi", - komandanlığın “X” sosial şəbəkəsindəki məlumatında bildirilir.

Qeyd edilir ki, yük gəmisi 41 min tondan çox gübrə daşıyırdı, ona görə də hücum ekoloji fəlakətə səbəb ola bilərdi. "Husilər ayrıseçkilik etmədən hücumlarının regional nəticələrindən xəbərsiz olduqlarını nümayiş etdirməyə davam edirlər", - komandanlıq bildirib.

Ordu.az

© Materiallardan istifadə edərkən hiperlinklə istinad olunmalıdır


Teqlər: Husilər   Qırmızı-dəniz  


Bizi "telegram"da izləyin