Çin sahil mühafizəsi Filippin gəmilərinə qarşı su şırnaqlarından istifadə edib

2023/12/dfeb7-1702183639.jpg
Oxunub: 313     09:01     10 Dekabr 2023    
Çin Sahil Mühafizəsi Cənubi Çin dənizindəki Ayunqin bölgəsində Filippin Sahil Mühafizəsinin gəmilərinə qarşı su şırnaqlarından istifadə edib.

Ordu.az xəbər verir ki, bu barədə “GMA News” məlumat yayıb.

İnsident filippinlilərin “Sierra Madre” gəmisinə yemək və personal apararkən baş verib. Filippin gəmilərindən birinin mühərriki ciddi zədələnib.

Qeyd edək ki, Cənubi Çin dənizinin mübahisəli sularında iki ölkə arasında vaxtaşırı insidentlər baş verir.

Belə ki, avqust ayında Çin sahil mühafizə gəmisi Filippin sahil mühafizə gəmilərinə təhlükəli şəkildə yaxın manevr edərkən su şırnaqlarından istifadə edib.

Oxşar hadisə şənbə günü (9 dekabr – Qeyd) Filippin Balıqçılıq və Su Resursları Bürosu gəmiləri Skarboro rifinə gedərkən baş verib.

Ordu.az

© Materiallardan istifadə edərkən hiperlinklə istinad olunmalıdır


Teqlər: Çin   Filippin  


Bizi "telegram"da izləyin