Çin yeni sərhəd patrul vasitəsini təqdim edib

2023/12/devri-1702107021.jpg
Oxunub: 366     20:39     09 Dekabr 2023    
Çinin dövlət mediası Çin Xalq Azadlıq Ordusu üçün xüsusi olaraq hazırlanmış sərhəd patrul vasitəsinin istifadəyə verildiyini açıqlayıb.

Ordu.az xəbər verir ki, Çin dövlət mediası bu yeni vasitənin FAW-ın MV3 ərazi yük maşını şassisinin dəyişdirilmiş versiyası üzərində qurulduğunu bildirib.

Verilən məlumata görə, vasitənin konfiqurasiyasına 5-dən 12 kilometrə qədər məsafəni qət etməklə müxtəlif hava şəraitində sərhəd bölgələrinə nəzarət edə bilən inteqrasiya olunmuş optik kəşfiyyat sistemi daxildir.

Bundan əlavə, vasitə ekipajın əldəqayırma partlayıcı qurğulara qarşı təhlükəsizliyini təmin edən gücləndirilmiş zirehlərə malikdir, sərt və coğrafi cəhətdən çətin yerlərdə effektiv manevr etmək üçün xüsusi olaraq hazırlanıb.

Hərbi ekspertlərin fikrincə, bu ixtisaslaşdırılmış sərhəd patrul vasitəsinin hazırlanması və yerləşdirilməsi Çinin sərhədləri boyunca müşahidə və təhlükəsizlik tədbirlərinin artırılmasına artan strateji diqqətini nümayiş etdirir.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: Çin   Sərhəd  


Bizi "telegram"da izləyin