Litva AİB vasitəsilə Ukraynaya yardım üçün 1 milyon avro yardım edəcək

2023/12/4545-1701714126.jpg
Oxunub: 7854     21:42     04 Dekabr 2023    
Litva Avropa İnkişaf Bankının (AİB) yaratdığı Həmrəylik Fondu vasitəsilə Ukraynaya 1 milyon avro məbləğində yardım edəcək.

Ordu.az TASS-a istinadən xəbər verir ki, bu barədə Litvanın maliyyə naziri Gintare Skayste jurnalistlərə bildirib.

“Hazırda Ukraynanın təkcə müharibə cəbhələrində deyil, həm də bizim tərəfimizdən ayrılan 1 milyon avro məbləğində vəsaitin yönəldildiyi sosial sahədə də köməyə ehtiyacı var”, - o deyib.

Nazirin sözlərinə görə, Litvanın pulunu yönəldəcəyi fond ən çox səhiyyə sisteminin infrastrukturunun və mənzil-tikinti sektorunun bərpasına diqqət yetirir.

G.Skaystenin sözlərinə görə, Vilnüs bu ianəyə Ukraynanı dəstəkləmək üçün geniş strategiya prizmasından baxır.

“Müxtəlif maliyyə alətlərindən istifadə edərək, Litva Ukraynaya yardım üçün ümumi daxili məhsulunun 1,9 %-nə bərabər məbləğ göndərib. Bu, Ukraynaya yardım göstərən ölkələr arasında ən yüksək göstəricilərdən biridir”, - maliyyə naziri söyləyib.

Ordu.az

© Materiallardan istifadə edərkən hiperlinklə istinad olunmalıdır


Teqlər: Litva   Ukrayna  


Bizi "telegram"da izləyin