KİV: Qəzzada atəşkəs müddətini uzatmaq üçün aparılan danışıqlar nəticəsiz qalıb

2023/11/1701147630.jpg
Oxunub: 3644     23:41     01 Dekabr 2023    
Qətərdə Qəzza zolağında atəşkəsin müddətini uzatmaq üçün aparılan danışıqlar nəticəsiz qalıb.

Ordu.az xəbər verir ki, bu barədə BBC-yə danışıqlara yaxın mənbə məlumat verib.

Mənbənin sözlərinə görə, atəşkəsin uzadılmasının mümkünlüyü ilə bağlı danışıqlar cümə günü səhər saatlarında tərəflər döyüşləri bərpa etdikdən sonra bir müddət davam edib.

İsrail Müdafiə Qüvvələri humanitar atəşkəsin şərtlərini Fələstinin radikal HƏMAS hərəkatının pozduğunu bildirib. Buna cavab olaraq, dekabrın 1-də səhər saatlarında İsrail hərbçiləri anklava yeni zərbələr endirib və bildiriblər ki, onlar Qəzza zolağının şimalında və cənubunda Xan-Yunis və Rəfah da daxil olmaqla 200 terrorçu hədəfini vurub.

Ordu.az

© Materiallardan istifadə edərkən hiperlinklə istinad olunmalıdır


Teqlər: Qəzza   İsrail  


Bizi "telegram"da izləyin