İran XİN rəhbərinin vizası gecikib, ABŞ-a gedə bilməyəcək

2023/01/1674133301.jpg
Oxunub: 5412     11:14     29 Noyabr 2023    
ABŞ mənə və İranın digər nümayəndə heyətinə viza verməkdə gecikdi.

Ordu.az xəbər verir ki, bu barədə İran xarici işlər naziri Hüseyn Əmir Abdullahian jurnalistlərə açıqlamasında deyib.

“ABŞ mənə və İran nümayəndə heyətinə bu səhər viza verdi, ona görə də BMT Təhlükəsizlik Şurasının iclasında praktiki olaraq iştirak etmək mümkün olmadı”, - nazir vurğulayıb.

O, İran Prezidenti İbrahim Rəisinin bu həftə Ankaraya səfəri Qəzzadakı vəziyyət və atəşkəs prosesi ilə bağlı BMT Təhlükəsizlik Şurasının iclası səbəbindən təxirə salındığını diqqətə çatdırıb.

“BMT Təhlükəsizlik Şurasının iclasına üzv ölkələrin və İran kimi bəzi xüsusi ölkələrin xarici işlər nazirləri dəvət olunub. Həm mən, həm də türkiyəli həmkarım Hakan Fidan bu gün Nyu-Yorkda olmalı idik. Birinci prioritet Təhlükəsizlik Şurasının iclasıdır. Prezident Rəisi və Prezident Ərdoğan telefon danışığında Türkiyəyə səfərin bir neçə gün ərzində həyata keçirilməsi ilə bağlı razılığa gəliblər”, - Abdullahian qeyd edib.

Ordu.az

© Materiallardan istifadə edərkən hiperlinklə istinad olunmalıdır


Teqlər: İran   XİN   ABŞ  


Bizi "telegram"da izləyin