G20-nin onlayn sammiti keçirilir

2023/09/g20_s-1694422891.jpg
Oxunub: 5463     17:00     22 Noyabr 2023    
"İyirmilik Qrupu"nun (G20) onlayn sammiti keçirilir.

Ordu.az TASS-a istinadən xəbər verir ki, sammitə Hindistan ev sahibliyi edir.

Daha əvvəl Hindistan Xarici İşlər Nazirliyinin sözçüsü Arindam Baqçi bildirib ki, Yeni Delhi artıq G20 onlayn sammitinə mümkün qədər çox liderin iştirakı üçün dəvətlər göndərib.

Xatırladaq ki, sentyabrın 9-10-da Yeni Delhidə baş tutan G20 sammiti zamanı Hindistanın Baş naziri Narendra Modi noyabrda qrup liderlərinin virtual formatda görüşünün keçirilməsini təklif edib.

G20-yə Türkiyə, Rusiya, ABŞ, Almaniya, Argentina, Avstraliya, Böyük Britaniya, Braziliya, Cənubi Afrika Respublikası, Cənubi Koreya, Çin, Fransa, Hindistan, İndoneziya, İtaliya, Kanada, Meksika, Səudiyyə Ərəbistanı, Yaponiya və Avropa İttifaqı daxildir.

Qeyd edək ki, ABŞ Prezidenti Cozef Bayden və Çin sədri Si Sinpin “G 20”nin sammitində iştirak etməyəcək.

Ordu.az

© Materiallardan istifadə edərkən hiperlinklə istinad olunmalıdır


Teqlər: G20   Sammit  


Bizi "telegram"da izləyin