Karasin Ermənistanda Rusiya telekanallarının mümkün bağlanması ilə bağlı məsələyə münasibət bildirib

2023/10/651b0-1696272953.jpg
Oxunub: 309     22:40     02 Oktyabr 2023    
Rusiya Federasiya Şurasının Beynəlxalq Əlaqələr Komitəsinin rəhbəri Qriqori Karasin Ermənistan parlamentinin deputatı Lusine Badalyanın ölkədə Rusiya telekanallarının mümkün bağlanması ilə bağlı bəyanatına münasibət bildirib.

Ordu.az xəbər verir ki, bu barədə Karasin “Telegram” kanalında paylaşım edib.

“Erməni parlamentarilərdən birinin qəribə bəyanatı məni təəccübləndirdi. Açığını desəm bu çox qalmaqallıdır. Bilmirəm, bu, anti-Rusiya meyilləridir yoxsa siyasi dividend qazanmaq cəhdidir? Əminəm ki, belə şeylər Ermənistanda dəstək tapmayacaq və müəyyən siyasi vəziyyət naminə xalqlarımız arasındakı çoxəsrlik dostluğu sarsıtmayacaq”, - deyə o bildirib.

Karasin xatırladıb ki, sentyabrda keçirilən Rusiya-Ermənistan Media Forumunda Ermənistan kanallarının yayımı məsələləri ətraflı müzakirə olunub. Bu məsələnin inkişafı diqqətdə saxlanılır.

Ordu.az

© Materiallardan istifadə edərkən hiperlinklə istinad olunmalıdır


Teqlər: Karasin   Ermənistan   Rusiya  


Bizi "telegram"da izləyin