Ordu.az xəbər verir ki, bunu erməni türkşünas Ruben Safrastyan deyib.

Safrastyanın sözlərinə görə, Türkiyə qlobal oyunçu olmaq istəyir.

Safrastyan qeyd edib ki, Türkiyəyə onun arxasında təkcə Azərbaycanın dayanması deyil, türk dövlətlərinin təşkilatlanması lazımdır.

“Türkiyəyə bu qlobal oyun üçün Zəngəzur dəhlizi lazımdır. Türkiyəlilər və azərbaycanlılar hərbi əməliyyatlardan qaçacaqlar. Zəngəzur dəhlizi məsələsi sülh yolu ilə həll olunmasa, Türkiyə və Azərbaycan hərbi yola əl atacaq”, - deyə o bildirib.

Erməni ekspert hesab edir ki, Ermənistan gələcək strateji qərarların verilməli olduğu bir nöqtəyə yaxınlaşır.

“Bizim vacib qərarlarımız Ermənistanın daxili vəziyyətindən asılıdır”, - deyə o əlavə edib.

Alpər Mövludoğlu
Ordu.az