Ordu.az xəbər verir ki, bu barədə Ermənistanın “Joğovurd” nəşri yazıb.

Nəşrə görə, statutun ratifikasiyası adi layihə müqavilələri üçün olduğu kimi sadə proseduru nəzərdə tutur.

“Belə ki, statut əvvəlcə ümumi komissiyada, bu halda dövlət-hüquqi məsələlər üzrə daimi komissiyada müzakirəyə çıxarılacaq, ardından isə müsbət rəy alındıqdan sonra komissiyanın müəyyən etdiyi müddətdə parlamentin plenar iclaslarının gündəliyinə daxil ediləcək. Parlamentdə Roma Statutunun ratifikasiyası layihəsi deputatların ümumi sayının səs çoxluğu ilə qəbul edilməlidir. Məlumata görə, səlahiyyətlilər, bir çox tənqidlərə baxmayaraq, layihənin lehinə yekdilliklə səs vermək niyyətindədir. Ermənistan 1999-cu il oktyabrın 1-də Beynəlxalq Cinayət Məhkəməsinin Roma Statutunu imzalasa da, ratifikasiya etməyib. Proses 2004-cü il avqustun 13-də sənədin Ermənistan Konstitusiyasına zidd olduğu tanınması ilə dayandırılıb, lakin Nikol Paşinyan hökuməti beynəlxalq müqavilənin ratifikasiyası prosesini bərpa etmək qərarına gəlib və bu məqsədlə yenidən Konstitusiya Məhkəməsinə müraciət edib. Martın 24-də Ermənistan Konstitusiya Məhkəməsi Ermənistanın Beynəlxalq Cinayət Məhkəməsinin Roma Statutuna qoşulmasının hazırkı Konstitusiyaya uyğun olması barədə qərar qəbul edib”, - deyə nəşr bildirib.

Alpər Mövludoğlu
Ordu.az