Ordu.az xəbər verir ki, dünya KİV-lərində iki ölkə liderinin görüşünə geniş yer ayrılıb.

Yunanıstan mətbuatı bununla bağlı xəbərlərində Türkiyənin Qafqazda gücləndiyini qeyd edib. “Türkiyə artıq Qafqazda daha güclüdür”, - deyə İlham Əliyev və Rəcəb Tayyib Ərdoğanın Naxçıvandakı görüşü barədə şərh verilib.

Eyni zamanda Yunanıstan mətbuatı Ərdoğanın “Sülh əlini tutun” çağırışına diqqət çəkib. Həmçinin İlham Əliyevin “Bölgənin erməniəsilli sakinlərinin hüquqları təminat altındadır” sözlərini də xüsusi vurğulayıb.
Almaniya mətbuatı isə səfərin böyük simvolik məna daşıdığını bildirərək bunun Ərdoğanın 14 ildən sonra Naxçıvana ilk səfəri olduğunu diqqətə çatdırıb.

Britaniyanın “Guardian” qəzeti Rəcəb Tayyib Ərdoğanın Azərbaycanın qələbəsini yüksək qiymətləndirdiyini ifadə edib. “Əliyevin yaxın müttəfiqi olan Ərdoğan Azərbaycanın son antiterror tədbirlərini dəstəklədiyini bildirib”, - deyə xəbərdə qeyd edilib.

Ordu.az