Ordu.az xəbər verir ki, bunu erməni deputat Arman Babacanyan öz "Facebook" səhifəsində yazıb.

"Biz həmişə KTMT-ni yaranmış vəziyyətə görə cavabdeh olan hərbi-siyasi sistem kimi qeyd etmişik, onun əsas funksiyası üzv ölkəyə qarşı hücum zamanı kollektiv reaksiyadır.

Biz həmişə Kollektiv Təhlükəsizlik Müqaviləsini xatırlayırıq, lakin KTMT Ermənistanın problemi beynəlxalq səviyyəyə çatdırmaq və beynəlxalq yardım gözləmək üçün beynəlxalq imkan, tərəfdaş dövlətlərlə müqavilə öhdəliyi götürə biləcəyi və malik olduğu yeganə çərçivə deyil.

KTMT-dən başqa, Ermənistanın Rusiya ilə bir sıra müqavilə və sazişləri var ki, onlar da məhz Rusiyanın milli səviyyədə hərbi müdaxiləsindən bəhs edir.

2020-ci il müharibəsindən bəri Ermənistan aşağıdakı müqavilələrin hamısını həyata keçirməyə uğursuz cəhd göstərib:

1997-ci ildə Ermənistan-Rusiya Dostluğu haqqında Böyük Müqavilə;

1995-ci ildə rus hərbi bazası haqqında müqavilə;

1992-ci ildə sərhəd qoşunları haqqında müqavilə;

2000-ci ildə birgə hərbi planlaşdırma haqqında müqavilə;

2013-cü ildə Hərbi-Texniki Əməkdaşlıq haqqında müqavilə;

2015-ci ilddə birgə hava hücumundan müdafiə müqaviləsi;

2017-ci ildə birgə qoşunların yaradılması haqqında müqavilə

Sonuncu razılaşma müqavilənin Qarabağa qədər uzadılmasını nəzərdə tuturdu", - deyə o qeyd edib.

Alpər Mövludoğlu
Ordu.az