MİLGEM-lər 6 aylıq fasilələrlə Pakistana çatdırılacaq

2023/09/3-num-1695632248.jpg
Oxunub: 214     15:01     25 Sentyabr 2023    
ASFAT tərəfindən tamamlanan Pakistan Hərbi Dəniz Qüvvələrinin (HDQ) ilk MİLGEM gəmisi ötən günlərdə İstanbul Gəmiqayırma Zavodunda mərasimlə təhvil verilib.

Ordu.az xəbər verir ki, PNS “Babur” (F-280) gəmisini 6 ay sonra 2-ci MİLGEM izləyəcək.

3-cü və 4-cü gəmilər 6 aylıq fasilələrlə tamamlanaraq Pakistana təhvil veriləcək.

Türkiyənin ən əhəmiyyətli hərbi gəmi ixracatlarından biri olan və baş podratçısı ASFAT-ın nəzdində davam edən işlərdə ilk təməlqoyma 2020-ci ilin yanvar ayında edilib.

Sonra PNS “Babur” 2021-ci il avqustun 15-də istifadəyə verilib. İkinci və dördüncü gəmi Pakistanın Kəraçi şəhərində inşa olunur.

Plana əsasən, ikinci gəmi 2024-cü ilin martında, üçüncü gəmi 2024-cü ilin sentyabrında, sonuncu gəmi isə 2025-ci ilin martında təhvil veriləcək və Pakistan HDQ-nin inventarına qoşulacaq.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: MİLGEM   Pakistan  


Bizi "telegram"da izləyin