Fransanın “Courbet” freqatı yandı: Türkiyə ictimaiyyəti onu yaxşı tanıyır

2023/09/Courb-1695632190.jpg
Oxunub: 326     13:22     25 Sentyabr 2023    
2023-cü sentyabrın 15-də Fransa Hərbi Dəniz Qüvvələrinə (HDQ) məxsus “Courbet” (F-712) freqatında NATO Daimi Dəniz Missiya Qrupu 2-yə (SNMG2) yanacaq verərkən yanğın baş verib.

Ordu.az xəbər verir ki, gəminin maşın zalında baş verən yanğın ekipaj tərəfindən söndürülüb.

Təhlükəsizliyə görə missiyası ləğv edilən “Courbet” freqatı özəl olaraq icarəyə götürülmüş yedək gəmisinin müşayiəti ilə aşağı sürətlə Fransaya qayıdıb.

“Courbet” yalnız 2021-ci ildə modernizasiyadan keçmişdi. Gəmidəki yanğınla bağlı araşdırma başladılıb.

Türkiyə ictimaiyyəti Fransanın “Courbet” freqatını yaxşı tanıyır. 2020-ci il iyunun 10-da “Courbet” Aralıq dənizi bölgəsində Türkiyə döyüş gəmilərinin himayəsi altında üzən “Çirkin” yük gəmisini dayandırmaq istəyib. Hadisədən sonra TCG “Gökova” (F-496) və TCG “Oruçreis” (F-245) freqatları “Courbet”ə müdaxilə edib.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: Fransa   Freqat   Yanğın  


Bizi "telegram"da izləyin