“SpaceX” növbəti internet peykləri qrupunu orbitə çıxarıb

2023/09/1695536308.jpg
Oxunub: 25929     10:12     24 Sentyabr 2023    
“SpaceX” kompaniyasının “Falcon 9” daşıyıcı raketi qlobal internet şəbəkəsi üçün nəzərdə tutulan 22 ədəd “Starlink” peyklərindən ibarət növbəti qrupu orbitə çıxarıb.

Ordu.az xəbər verir ki, daşıyıcı raket Florida Ştatında yerləşən Kanaveral burnundakı 40-cı start kompleksindən fəzaya buraxılıb.

Bu, 2019-cu ildən bəri internet peyklərinin orbitə çıxarılan sayca 110-cu qrupudur. “SpaceX” indiyədək kosmik fəzaya ümumilikdə 5,1 mindən çox peyk buraxıb. Onların 4,8 mini işlək vəziyyətdədir.

Dünyanın ən böyük peyk operatoru olan “SpaceX” orbitə ümumilikdə təxminən 12 min kosmik aparat çıxarmağı planlaşdırır. Kompaniyanın qiymətləndirməsinə əsasən, 10 milyard dollara başa gələcək layihə planetin istənilən guşəsində genişzolaqlı internetə çıxışı təmin etməyə imkan yaradacaq.

Ordu.az

© Materiallardan istifadə edərkən hiperlinklə istinad olunmalıdır


Teqlər: SpaceX   Falcon-9  


Bizi "telegram"da izləyin