Ordu.az xəbər verir ki, Türkiyə müdafiə sənayesi daxilində qabaqcıl texniki keramika və zireh sistemləri istehsal edən “Nurol Teknoloji” Londonda keçirilən dünyanın qabaqcıl müdafiə sənayesi toplantılarından biri olan Beynəlxalq Müdafiə və Təhlükəsizlik Avadanlıqları Sərgisində (DSEI 2023) məhsul və imkanlarını nümayiş etdirib.
“Nurol Teknoloji” sərgidə Ukrayna ordusunun Ukrayna-Rusiya müharibəsində istifadə etdiyi və yüksək səviyyədə müdafiəsi ilə seçilən ballistik qoruyucu lövhələri ön plana çıxarıb.
Dayandırdığı patronların izlərini daşıyan lövhələrdə “Döyüşdə sübut edilmiş qorumanın gücünə şahid olun” yazısı göstərilib. Lövhələrlə yanaşı, Ukrayna hərbi qulluqçularının müharibə zamanı istifadə etdiyi və münaqişələr zamanı istifadəçilərini sağ saxlayan məhsulların fotoşəkilləri də yer alıb.
Sevinc Əliyeva
Ordu.az
