Ordu.az-ın xəbərinə görə, Kenger bildirib ki, Türkiyənin “yerli raket mühərrikləri” səyahətində bu gün SOM, “Atmaca” və “Çakır” raketləri üçün iki fərqli milli mühərriki var.

Onun sözlərinə görə, “Çakır”ın yerli mühərriklə ilk sınağı həyata keçirilərkən, tezliklə “Atmaca” və SOM-dan yaxşı xəbərlərin gəlməsi gözlənilir.

Kenger qeyd edib ki, “Kale Arge”nin bu sahədəki işi təkcə bu 2 mühərriklə məhdudlaşmayacaq, şirkətin gündəmi maraqlı hadisələrlə doludur.

“Türkiyənin ehtiyac duyduğu bu kritik texnologiyanı inkişaf etdirmək və ən əsası da uçuşlarla keyfiyyətə salmaq və bu məhsulları beynəlxalq sərgilərdə nümayiş etdirmək çox gözəldir. “Kale Grubu” rəhbərliyinə, “Kale Arge”dəki həmkarlarıma və bütün maraqlı tərəflərimizə göstərdikləri səylərə görə təşəkkür edirəm. Hazırda bizim üç fərqli mühərrikimiz var. Bunlar KTJ-3200, KTJ-1750 və KTJ-3700 mühərrikləridir. Biz bu mühərrikləri ilk növbədə ölkəmizin ehtiyaclarını ödəmək üçün hazırladıq. İndi biz bu mühərriklərin kütləvi istehsalına başlamışıq və qarşıda ilk növbədə ölkəmizin tələbatına uyğun olaraq intensiv kütləvi istehsal prosesi var. Eyni zamanda, beynəlxalq bazarda rəqabət apara bilən mühərriklərimizin üstün xüsusiyyətlərini bildiyimiz üçün gələcək ehtiyaclara uyğun olaraq istehsal gücümüzü artırmaq üçün fəaliyyətə başladıq. Beynəlxalq sərgilərdə həm mühərriklərimizə, həm də iş mədəniyyətimizə göstərilən maraq və təqdirdən məmnunuq. Düşünürəm ki, yaxın gələcəkdə mühərriklərimizi ixrac etmək nöqtəsinə gələcəyik. Bu baxımdan dünyanın aparıcı aviasiya təşkilatları ilə əlaqələrimiz davam edir”, - deyə o əlavə edib.

Sevinc Əliyeva
Ordu.az