Ordu.az xəbər verir ki, Sasunyan Ermənistan Baş naziri Nikol Paşinyanı kəskin şəkildə tənqid edib.

“Əziz insanlar, qulaq asın, mənim adım Hambik Sasunyandır, mən Livandanam, ABŞ-dən gəlmişəm. Çoxları bilir ki, mən 80-ci illərdə “silahlı mübarizə”nin (terrorizmin-red.) iştirakçısı olmuşam. Los-Ancelesdəki türk konsulunu öldürdüm. Mən Ermənistan və Qarabağa görə 40 il həbsdə yatmışam, daha 40 il də yataram, Ermənistan və Qarabağı satqın itlərdən xilas etməliyik. Bunu yaxşı bilin, camaat. Biz satqınlarla yaşayırıq. Nikol, mənə diqqətlə qulaq as, mənim adım Hambik Sasunyandır, bilmirdinsə, layiq olduğun cavabı almalısan, satqın it. Qarabağda erməni uşaqlar (hərbi qulluqçular-red.) öldürülür, sən də Anna ilə əylənirsən, cəzanı çəkəcəksən, yaxşı bil. Cəzasız qalmayacaqsan, Yerablura, Qarabağa, millətə xəyanətin əvəzini ödəməlisən. Sənə qulluq edənlər də layiqli cəzalarını çəkməlidirlər. Nikol Paşinyan, üzünə tüpürüm, sən satqının birisən”, - deyə o qeyd edib.

Alpər Mövludoğlu
Ordu.az