Cənubi Koreya yeraltı bunkerləri hədəf alan raketlərə 218 milyon dollar sərmayə qoyacaq

2023/09/2023--1695111530.jpg
Oxunub: 33074     15:47     19 Sentyabr 2023    
Cənubi Koreya yeraltı bunkerlərdə gizlənən düşmənləri hədəf alan raketlərin daha təkmil versiyasını hazırlamaq üçün 218 milyon dollar sərmayə qoymaq qərarına gəlib.

Ordu.az xəbər verir ki, bu barədə Cənubi Koreyanın Müdafiə Tədarük Proqramı Agentliyi (DAPA) bildirib.

Açıqlamada sözügedən sərmayənin Cənubi Koreyanın özünün inkişaf etdirdiyi və “yeraltı sığınacaqları hədəf alan raketlər” kimi tanınan “Koreya Taktiki “Yer-Yer” Raketi”nin ikinci versiyasının hazırlanması üçün istifadə ediləcəyi bildirilib.

DAPA rəsmisi də Cənubi Koreya mətbuatına verdiyi açıqlamada bu raketlərin Şimali Koreyanın yerin altında gizlətdiyi silahları hədəf alacağını bildirib.

Sözügedən layihənin 2027-ci ilin sonuna qədər davam edəcəyi qeyd olunub.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: Cənubi-Koreya   Bunker  


Bizi "telegram"da izləyin