“ChatGPT” necə işləyir

Əsasən, LLM-lər bir cümlədə hansı sözün sonra gələcəyini dəqiq proqnozlaşdırmaq üçün böyük miqdarda məlumatlarla öyrədilir. “ChatGPT” modelinin kitablardan, Vikipediyadan, tədqiqat məqalələrindən, vebsaytlardan, digər məzmun formalarından və internetdəki məqalələrdən əldə edilən 570 GB məlumatı ehtiva edən verilənlər bazalarından istifadə etməklə öyrədildiyi deyilir. Sistemə daxil edilən sözlərin sayının təxminən 300 milyard olduğu bildirilir.

İngilis dili ilə yanaşı, “ChatGPT” fransız, ispan, alman və Çin də daxil olmaqla, dünyada danışılan 95 dili başa düşür. “ChatGPT” modeli dezinformasiya, təkrarlar və ya qeyri-adi sözlər və söz birləşmələri yarada bilər. Bunun səbəbi “ChatGPT” kimi böyük dil modellərinin səlis və ardıcıl mətnlər hazırlamaq üçün öyrədilməsinə baxmayaraq, həmişə insan tərəfindən yazılmış cavablar qədər yaradıcı cavablar yarada bilməmələridir.

“ChatGPT”nin Fövqəladə Statistikası

“ChatGPT” internet tarixində ən sürətlə böyüyən onlayn xidmət olub və cəmi iki ay ərzində 2023-cü ilin yanvarında 100 milyon aktiv istifadəçiyə çatıb. Üstəlik, “Similarweb”in veb-trafik məlumatlarına görə, tətbiq 12 avqust 2023-cü il tarixinə 1,9 milyard səhifə ziyarətini keçib. Birləşmiş Ştatlar “ChatGPT” istifadəçilərinin ən çox sayına malikdir və ümumi istifadəçilərin 15,73 faizini təşkil edir. Hindistan 7,10 faizlə ikinci yerdədir. 14 mart 2023-cü il tarixinə Çin 16,58 faizlə 20-ci, Nigeriya 12,24 faizlə 24-cü, Cənubi Afrika isə 12,63 faizlə 41-ci yerdədir. Bildirilir ki, “ChatGPT”nin ana şirkəti “OpenAI”nin bazar dəyəri təxminən 29 milyard dollardır.

Sevinc Əliyeva
Ordu.az