Ordu.az xəbər verir ki, “Hydra 400” adlı PUA konsepsiyası Londonda keçirilən “Defence and Security Equipment International” (DSEI) sərgisində təqdim edilib.

Məlumata görə, ən müasir PUA millimetr dalğa radarı və yarımaktiv lazerlə idarə olunan üç “Brimstone” raketini daşıya bilir.

PUA həmçinin 50 kiloqram itələmə gücü istehsal edən və maksimum 400 kiloqram qaldırma qabiliyyətini təmin edən tək silindirli reaktiv turbinlərlə təchiz edilib.

Məlumata görə, PUA-nın ən üstün xüsusiyyətlərindən biri onun “Hilux” avtomobilinin arxasında daşına bilməsi və ya altı dəqiqədən az müddətdə uçuş üçün yığıla bilməsidir.

Kompaktlığı və daşınma qabiliyyəti ilə sistemin uzun mənzilli döyüş və kəşfiyyat missiyalarını dəstəkləyəcəyi gözlənilir.

Sevinc Əliyeva
Ordu.az