Türkiyənin ilk milli Pilotsuz Uçuş Aparatlarını (PUA) istehsal edən “Baykar” tərəfindən milli və bənzərsiz bir şəkildə inkişaf etdirilən “Bayraktar Akıncı” PUA-sı 30 min uçuş saatını müvəffəqiyyətlə tamamlayaraq, Türkiyə aviasiya tarixində daha bir mühüm mərhələni geridə qoyub.
Ordu.az xəbər verir ki, indiyə qədər 8 ölkə ilə ixrac müqaviləsi imzalayan “Bayraktar Akıncı” səmərəli xidmətini davam etdirir.
Milli PUA aviasiya tarixində ilk dəfə həyata keçirilən uçuşlarda iştirak edib. “Bayraktar Akıncı” və “Bayraktar Kızılelma”nın ilk dəfə 2023-cü il aprelin 24-də Çorluda icra edilən sınaqda həyata keçirdiyi və dünya aviasiya tarixində bir ilk olan yaxın qol uçuşundan sonra TEKNOFEST 2023-də yeni bir ilkə imza atılıb.
“Akıncı” PUA-sı və “Kızılelma” pilotsuz döyüş təyyarəsi İstanbul səmasında dəfələrlə ictimaiyyət qarşısında eyni uçuşu həyata keçirib.
Sevinc Əliyeva
Ordu.az
© Materiallardan istifadə edərkən hiperlinklə istinad olunmalıdır
Teqlər:
Bayraktar-Akıncı
PUA
