Çinin Sakit Okeanda güc nümayişi: İndiyə qədərki ən böyük təlim başladı

2023/09/2023--1694682329.jpg
Oxunub: 180     13:04     14 Sentyabr 2023    
Pekin ABŞ və müttəfiqlərinə qarşı hərbi gücünü artırarkən, Çin Hərbi Dəniz Qüvvələri (HDQ) Qərbi Sakit okeanda bir aviadaşıyıcı gəmi ilə indiyə qədər ən böyük təlimə başlayıb.

Ordu.az xəbər verir ki, Çin Xalq Azadlıq Ordusu HDQ-nin ikinci aviadaşıyıcı gəmisi olan “Shandong” çərşənbə axşamı Tayvan, Filippin və ABŞ-nin Sakit Okean ərazisi Quam arasındakı sularda Çinin 20-dən çox döyüş gəmisinə qoşulacaq.

Taypeydə Müdafiə Nazirliyinin dəstəklədiyi analitik mərkəzi olan Milli Müdafiə və Təhlükəsizlik Araşdırmaları İnstitutunun analitiki Su Tzu-yun deyib ki, bu, Çinin aviadaşıyıcı gəmilərlə keçdiyi təlimlərin ən böyüyüdür.

“Onlar ətraflarında gedən müxtəlif hərbi təlimlərdən narazılıqlarını bildirirlər”, - deyə o qeyd edib.

Tayvan administrasiyasının Müdafiə Nazirliyi çərşənbə axşamı səhərə qədər 24 saat ərzində adanın ətrafındakı sularda Çin Xalq Azadlıq Ordusunun 20 döyüş gəmisini sayıb.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: Çin   Sakit-Okean   Təlim  


Bizi "telegram"da izləyin