Ordu.az xəbər verir ki, bu barədə “Business Insider” nəşri yazıb.

Ukrayna Hərbi Dəniz Qüvvələri (HDQ) tərəfindən paylaşılan video görüntülərdə “Bayraktar TB2” PUA-sının Qara dənizdə Rusiyanın KS-701 patrul gəmisini məhv etdiyi görünür.

Bu, Türkiyə istehsalı olan heyrətləndirici PUA-nın yenidən fəaliyyətə başladığına işarədir.

Sentyabrın 3-də “Telegram”da paylaşılan videoda ağ-qara görüntülərdə dağıdıcı partlayış nəticəsində dağılmadan əvvəl qayıqda hərəkət edən fiqurlar əks olunub.

Videonun altyazısında qeyd olunub: “Qara dənizin şimal-qərb hissəsində düşmənin şəxsi heyətini desant çıxarması cəhdi zamanı Ukrayna Hərbi Dəniz Qüvvələrinin (HDQ) hərbi-dəniz aviasiyası düşmənin KS-701 “Tunets” tipli katerini məhv edib. Düşmən 6 ölü və 2 yaralı işğalçı ilə itki verib”.

Sevinc Əliyeva
Ordu.az