“Bayraktar TB2”nin Malidəki “Vaqner” bazasında yerləşdirildiyi iddia edilib

2023/09/the-i-1694504000.jpg
Oxunub: 339     16:44     12 Sentyabr 2023    
Afrikada “Vaqner” Özəl Hərbi Kompaniyasının (ÖHK) bazası olaraq istifadə edildiyi bildirilən Malidəki bir hava limanında ən az 3 “Bayraktar” Pilotsuz Uçuş Aparatının (PUA) park edildiyi iddia edilib.

Ordu.az “Insider”ə istinadən xəbər verir ki, Mopti şəhəri yaxınlığındakı Sevare hava limanında olan hərbi bazanın içərisində 3 ədəd “Bayraktar TB-2” PUA-sı görüntülənib.

Türkiyə təhlükəsizlik mənbələrindən əldə edilən məlumata görə, sözügedən hava limanı Mali ordusu tərəfindən idarə olunur. Sözügedən ərazidə “Vaqner”in iştirakı yoxdur.

Ötən ilin dekabrında dövlətə məxsus yerli media tərəfindən Mali hökumətinin “Bayraktar TB2” PUA-sı satın aldığı açıqlanıb. Yeni fotoşəkillər TB2 PUA-larının Malidə aktiv xidmətdə olduğunu göstərir.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: Bayraktar-TB2   Mali   Vaqner  


Bizi "telegram"da izləyin