Ordu.az xəbər verir ki, “General Atomics” qırıcılara və bombardmançı təyyarələrə daha uzun məsafələrdə hava təhdidlərinə qarşı yeni çeviklik verə biləcək bu Pilotsuz Uçuş Aparatının (PUA) uçuş sınaqlarına ilin sonuna qədər başlamağa ümid etdiyini açıqlayıb.

“General Atomics Aeronautical Systems, Inc.” (GA-ASI) ötən günlərdə “LongShot” proqramının növbəti mərhələsi üçün yeganə qalib olaraq seçildiyini elan edib.

Müdafiə Qabaqcıl Tədqiqat Layihələri Agentliyi 2021-ci ildə “General Atomics”, “Lockheed Martin” və “Northrop Grumman” şirkətlərinə “LongShot” müqavilələrinin birinci raundunu verdiyini, lakin layihə üzərində işin əslində əvvəlki il başladığını bildirib.

Sevinc Əliyeva
Ordu.az