Ordu.az xəbər verir ki, Avstraliya Müdafiə Nazirliyi Almaniyanın çoxmillətli müdafiə sənayesi şirkəti “Rheinmetall”ın İtaliyadakı törəməsi olan “RWM Italia” ilə ölkəyə ağıllı dəniz minalarının idxalı və bu minaların istehsalı üçün materialların və texnologiyanın ölkədə tədarükü ilə bağlı razılığa gəlib.

Avstraliya Müdafiə Nazirliyindən verilən açıqlamada qeyd edilir ki, razılaşmaya əsasən, baş ofisi Romada olan şirkətdən ağıllı dəniz minaları alınacaq.

Eyni zamanda ağıllı dəniz minalarının istehsalı üçün Avstraliyaya material və təcrübə təmin edəcək şirkət elektron və müntəzəm texniki xidmət dəstəyi də verəcək.

Avstraliya hökuməti uzun mənzilli müdafiə qabiliyyətini artırmaq üçün ABŞ-dən 1,3 milyard dollar dəyərində “Tomahawk” qanadlı raketləri alacağını açıqlayıb.

AUKUS müqaviləsi çərçivəsində alınması planlaşdırılan “Virginia” sinfinə məxsus sualtı qayıqlardan “Tomahawk” raketlərinin buraxıla biləcəyi bildirilib.

Sevinc Əliyeva
Ordu.az