Ordu.az xəbər verir ki, bu barədə "The Wall Street Journal" məlumat yayıb.

ABŞ rəsmiləri nəşrə verdiyi şərhdə Rusiya və Çinin 11 gəmisinin Aleut adalarına yaxınlaşdığını qeyd edib. Gəmilər Alyaska yaxınlığında patrul nəzarəti həyata keçirib və ABŞ-ın ərazi sularına daxil olmayıb.

Rusiya və Çin gəmilərini dörd Amerika esminesi və "P-8 Poseidon" təyyarəsi izləyib.

"Bu, tarixdə bir ilkdir. Ukraynadakı müharibəni və Tayvan ətrafındakı gərginliyi nəzərə alsaq, bu addım çox təxribat xarakterlidir", - Hərbi Dəniz Qüvvələrinin istefada olan kapitanı Brent Sadler bildirib.

ABŞ Şimal Komandanlığının nümayəndəsi Rusiya və Çinin Alyaska sahillərində patrul apardığını təsdiqləyib, lakin gəmilərin sayını açıqlamayıb.

Ordu.az