Ordu.az xəbər verir ki, bunu TASS-a müsahibəsində Rusiya Xarici İşlər Nazirliyinin MDB ölkələri üzrə dördüncü departamentinin direktoru Denis Qonçar deyib.

O, Ermənistanın Rusiyanın Cənubi Qafqazda yaxın müttəfiqlərindən və mühüm tərəfdaşlarından biri olaraq qaldığını vurğulayıb: "Moskva ilə İrəvan arasında qarşılıqlı fəaliyyətin lokomotivi isə liderlərin etibarlı dialoqu, eləcə də hökumət, nazirlik və idarə rəhbərlərinin intensiv təmasları, parlamentlər arasında əlaqələrdir".

“Qlobal təlatümlərə baxmayaraq, ölkələrin ticarət-iqtisadi sferasında çox müsbət mənzərə qeydə alınıb, əməkdaşlıq şübhəsiz ki, həm ikitərəfli formatda, həm də AİB çərçivəsində inkişaf edir. Ötən il qarşılıqlı əmtəə dövriyyəsi rekordlar vuraraq 5 milyard dollar həddinə çatıb. Üstəlik, Ermənistandan Rusiyaya ixrac rekord 3,3 dəfə artıb ki, bu da erməni istehsalçıları üçün Rusiya bazarının prioritetliyindən danışmağa imkan verir”, - deyə rus diplomat vurğulayıb.

Qonçar əlavə edib ki, iyunun ortalarında “Yuxarı Lars” keçid məntəqəsinin imkanları genişləndirildiyi üçün mal dövriyyəsinin artımının davam edəcəyi gözlənilir. Bundan əlavə, iyulun sonunda təxminən 12 min ton tutumlu bərələrlə Batumi ilə Novorossiysk arasında müntəzəm dəniz konteyner daşınması həyata keçirilib. Diplomat qeyd edib ki, Ermənistan iqtisadiyyatına qoyulan bütün xarici kapital qoyuluşlarının təxminən yarısı Rusiyadır və ilin birinci yarısında ən böyük vergi ödəyiciləri Rusiyanın iştirakı ilə təsərrüfat subyektləri, Zəngəzur Mis-Molibden Kombinatı və "Qazprom Ermənistan"dır.

“Ermənistan AİB-də iştirakın əsas benefisiarlarından biridir. 2022 Ermənistanın İttifaq ölkələrinə ixracının həcmi 2021-ci ildə təxminən 3 dəfə olmaqla 1,6 milyard dollar artıb”, - deyə departament direktoru bildirib.

Sevinc Əliyeva
Ordu.az