"Biz kompromis həll yolları təklif etmişik, tərəflər onları "evdə emal edəcək"" - Rusiya XİN

2023/05/1685453268.jpg
Oxunub: 2275     13:15     04 Avqust 2023    
"Arazdəyən-Culfanın bərpası və Mehri-Horadiz dəmir yolu əlaqəsinin təşkili üçün konkret addımlar barədə ümumi anlaşma əldə olunub".

Ordu.az xəbər verir ki, bunu TASS-a müsahibəsində Rusiya Xarici İşlər Nazirliyinin MDB ölkələri üzrə dördüncü departamentinin direktoru Denis Qonçar deyib.

“İyulun 25-də Moskvada Rusiya, Azərbaycan və Ermənistan xarici işlər nazirləri səviyyəsində sonuncu təmaslar son dərəcə çətin vəziyyətdə baş tutub. Həssas təfərrüatları açıqlamadan deyə bilərəm ki, biz gərginliyin azaldılması üçün kompromis həll yolları təklif etmişik ki, tərəflər onları “evdə emal edəcək”.

Diplomat Qarabağ münaqişəsinin həllində bütün mərhələlərdə Rusiyanın ən fəal iştirakına diqqət çəkib. "2020 Noyabrda Rusiyanın və prezident Vladimir Putinin özünün dəstəyi ilə Azərbaycan və Ermənistan arasında 2020-2022-ci illər üçün mövcud barışıq mərhələsinin əsasları qoyuldu. Rusiya, Azərbaycan və Ermənistan liderlərinin üçtərəfli sazişləri kompleksi əsasında Ermənistan-Azərbaycan nizamlanması üzrə yol xəritəsi hazırlanıb”, - deyə o qeyd edib.

Qonçar, həmçinin qeyd edib ki, Rusiya tərəfi bütün istiqamətlərdə güclü vasitəçilik səylərini davam etdirir, o cümlədən regionda iqtisadi və nəqliyyat kommunikasiyalarının açılması, Ermənistan-Azərbaycan sərhədinin demarkasiyası prosesinin başlanması, Bakı ilə İrəvan arasında sülh müqaviləsinin imzalanması, ictimaiyyət nümayəndələri ilə ekspertlər arasında dialoqun inkişafı da buna daxildir. “Hər şey istədiyimiz qədər sürətlə getmir, lakin bu, münaqişə illərində toplanmış çoxsaylı problem və ziddiyyətləri nəzərə alsaq, başa düşüləndir”, - deyə o əlavə edib.

Cənubi Qafqazda iqtisadi və nəqliyyat kommunikasiyalarının blokunun açılmasına gəlincə, diplomat qeyd edib ki, bu məsələlər Rusiya, Azərbaycan və Ermənistan baş nazirlərinin müavinləri ilə üçtərəfli işçi qrup tərəfindən obyektiv şəkildə müzakirə olunur. O bildirib ki, sonuncu iclas iyunun 2-də Moskvada keçirilib. “Tərəflər Azərbaycan və Ermənistan arasında nəqliyyat kommunikasiyalarının blokdan çıxarılması üsullarının razılaşdırılmasında mühüm irəliləyişə nail olublar, xüsusilə Arazdəyən-Culfanın bərpası və Mehri-Horadiz dəmir yolu əlaqəsinin təşkili üçün konkret addımlar barədə ümumi anlaşma əldə olunub”, - deyə departament direktoru qeyd edib. İyulun 25-də Rusiya, Azərbaycan və Ermənistan xarici işlər nazirlərinin üçtərəfli görüşündə də bu mövzuya toxunulub.

Onun sözlərinə görə, Rusiya bu istiqamətdə bütün razılaşmaların bərabər olmasına çalışır. “Tərəflərdən birində kiminsə daha çox aldığı hissi olmamalıdır. Nəqliyyat kommunikasiyalarının, ilk növbədə, dəmir yolunun blokdan çıxarılması Cənubi Qafqazın nəhəng iqtisadi potensialının açılmasına kömək edəcək və üçtərəfli işin bütün istiqamətləri üçün güclü təkan olacaq”, - deyə diplomat bildirib.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: Rusiya   XİN  


Bizi "telegram"da izləyin