Ordu.az xəbər verir ki, bu barədə TASS-a müsahibəsində Rusiya Xarici İşlər Nazirliyinin MDB ölkələri üzrə dördüncü departamentinin direktoru Denis Qonçar bildirib .

Diplomatın sözlərinə görə, bu gün Moskva ilə İrəvan arasında KTMT, AİB və MDB çərçivəsində, eləcə də müxtəlif beynəlxalq platformalarda, ilk növbədə, Birləşmiş Millətlər Təşkilatında “sıx xarici siyasi sistem” yaradılıb .

“İrəvanla münasibətlərin bəzi mənfi cəhətlərindən danışsaq, bu, ilk növbədə Qərb ölkələrinin Rusiya-Ermənistan tərəfdaşlığına xələl gətirmək cəhdləri ilə bağlıdır. İstənilən, o cümlədən tamamilə çirkin üsullardan istifadə olunur: sanksiyaların şantajı, haqsız rəqabət, amorf vədlər”, -deyə Qonçar vurğulayıb.

O qeyd edib ki, hamını dünyanın müxtəlif yerlərində, o cümlədən postsovet məkanında Qərb dostluğunun necə təzahür etdiyinə dair nümunələrlə dəfələrlə inandırmaq olar.

“Biz erməni dostlarımızın müdrikliyinə güvənirik. Biz öz tərəfimizdən, əvvəlki kimi, bütün problemli məsələləri müttəfiq şəkildə, birbaşa və səmimi dialoq çərçivəsində həll etmək əzmindəyik”, - deyə rusiyalı diplomat fikirlərini yekunlaşdırıb.

Sevinc Əliyeva
Ordu.az