İsrailin dövlət televiziyası: Ermənistan Azərbaycan mövqelərinə zərbə endirmək üçün İran PUA-larından istifadə edib

2023/01/1674742469.jpg
Oxunub: 5473     17:23     20 İyul 2023    
Azərbaycan-Ermənistan sərhədində baş verən son qarşıdurmalarda Ermənistan tərəfi İran istehsalı olan kamikadze tipli “Shahed” Pilotsuz Uçuş Aparatlarından (PUA) istifadə edib.

Ordu.az xəbər verir ki, bu barədə İsrailin dövlət televiziyası I24 bildirib.

Bu kontekstdə Ermənistan ordusunun son günlər sərhəddə və Qarabağ bölgəsində həyata keçirdiyi təxribatlar zamanı PUA-lar yerləşdirdiyi barədə müxtəlif KİV-lər məlumat yayıb.

Lakin Ermənistan tərəfi bu cür xəbərləri təkzib edib. Bundan əlavə, 2022-ci ilin oktyabrında “Middle East Monitor” yazıb ki, Ermənistan İran istehsalı olan PUA-lar almaq üçün rəsmi müraciət edən 22 ölkədən biridir.

İran İslam İnqilabı Keşikçiləri Korpusunun keçmiş komandanı, general-mayor Yahia Rəhim Səfəvinin baş hərbi köməkçisi bildirib ki, Ermənistan İran ilə PUA-ların alınması müqaviləsi üçün Tacikistan, Serbiya, Əlcəzair, Venesuela və digər ölkələrə qoşulub.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: Azərbaycan   Ermənistan   İran   PUA  


Bizi "telegram"da izləyin