“BMT-də “öz müqəddəratını təyinetmə hüququ” ilə bağlı yox, həmişə işğal olunmuş ərazilərlə bağlı məsələ olub” - Qukasyan

2022/11/1668508061.jpg
Oxunub: 8577     14:49     03 Mart 2023    
“Nikol Paşinyan hökumətinin Kosovonun müstəqilliyini tanıya biləcəyinə şübhə ilə yanaşıram”.

Ordu.az xəbər verir ki, bunu erməni politoloq Andrias Qukasyan deyib.

Onun sözlərinə görə, bu, Rusiya Federasiyası rəhbərliyinin siyasətinə qarşı açıq-aşkar demarş olacaq və Paşinyanın buna qarşı çıxmaq üçün siyasi resursları yoxdur.

“Baş verənlər yəqin ki, kiçik bir təcrübədir, başqa addımları həyata keçirmək imkanı yoxdursa, o zaman belə ikinci və üçüncü dərəcəli addımlar həyata keçirilir”, - deyə Qukasyan qeyd edib.

Qukasyan vurğulayıb ki, Ermənitsanın Kosovonun müstəqilliyini tanıması diplomatik sahədə ciddi dividendlər gətirə bilməz.

“Bu illər ərzində görülməli olan böyük işlər görülmədi. 4 hökumət dəyişib, amma Qarabağa qarşı münasibət eyni olub. Sadə bir misal, BMT-də Qarabağın “öz müqəddəratını təyinetmə hüququ” ilə bağlı heç bir məsələ yoxdur. Məsələn, gündəmdə Azərbaycanın işğal olunmuş əraziləri ilə bağlı məsələ olub, hər il bu məsələ ilə bağlı müzakirələr gedib”, - deyə o əlavə edib.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: BMT   Azərbaycan  


Bizi "telegram"da izləyin