Lavrov qeyd edib ki, Rusiya Gürcüstan, Abxaziya və Cənubi Osetiya arasında birbaşa və bərabərhüquqlu dialoqu təmin edəcək Cenevrədə beynəlxalq danışıqlar çərçivəsində Cənubi Qafqazda təhlükəsizlik və sabitlik üzrə konstruktiv əməkdaşlığı davam etdirməyə hazırdır.

Lavrovun sözlərinə görə, Rusiyanın məqsədi faydalı və məqsədyönlü platforma hesab edilən “3+3” regional formatının işinə töhfə verməkdir.

Ordu.az xəbər verir ki, erməni politoloq Andrias Qukasyanın sözlərinə görə, Rusiyanın Minsk qrupunun həmsədrliyinə alternativ format yaratmaq istəyi var.

“Yəni Rusiya regionda sülh yolu ilə nizamlanma və ya inkişaf proseslərində iştirak edən digər dövlətlərin əleyhinədir. 3+3 formatı ilk baxışdan həmin prinsiplərə uyğun görünür ki, bu da mahiyyətcə region dövlətlərinin əməkdaşlığına əsaslanır”, - deyə o qeyd edib.

Qukasyan eyni zamanda bildirib ki, əslində belə bir formatın yaradılmasına ən böyük maneənin Rusiyanın özü və Rusiyanın Gürcüstanla qeyri-sabit münasibətləri olduğunu başa düşmək olar.

“Ermənistan Gürcüstanın iştirak etməməsini bəhanə edib iştirakdan imtina edə bilərmi?” sualına Qukasyan belə cavab verib: “Hesab edirəm ki, bu hökumət, şübhəsiz ki, bu formata heç bir təkan verə bilməzdi, çünki Ermənistan belə bir formatda qurban kimi çıxış edir, bu format Ermənistanın maraqları hesabına həyata keçirilir. İndiki hakimiyyət isə sanki, əksinə, dövlətimizi xoşagəlməz vəziyyətə salan həll yollarına can atır”.

“Ermənistan bu formatda iştirak edəcək, yoxsa imtina edəcək?” sualına cavab olaraq erməni politoloq bildirib: “İşlər nə qədər pis olsa da, Ermənistanın indiki hökuməti iştirak etmək arzusunu ifadə edir”.

Alpər Mövludoğlu
Ordu.az