Ordu.az xəbər verir ki, Ermənistan Baş Prokurorluğu məlumat yayıb.
Qeyd olunub ki, Ermənistan Silahlı Qüvvələrinin ehtiyacları üçün verilən maddi ehtiyatların keyfiyyət göstəricilərinin satınalma müqavilələrinin texniki şərtləri ilə müəyyən edilmiş tələblərə uyğunluğu yoxlanılıb.
“Aparılan kompleks araşdırmalar nəticəsində 93 milyon 723 min 544 dramlıq kəsir və 4 milyon 355 min 725 manatlıq profisit qeydə alınıb, mühəndis texnikalarının ehtiyat hissələri də daxil olmaqla ümumi dəyəri 198 milyon 590 min 916 dram olan material ehtiyatlarının müqavilələrin texniki şərtləri ilə müəyyən edilmiş tələblərə cavab vermədiyi aşkar edilib. Ermənistan Hərbi Mərkəzi Prokurorluğunun Dövlət Maraqlarının Müdafiəsi İdarəsi tərəfindən aparılan, yuxarıda qeyd olunan araşdırmalar nəticəsində Ermənistan İstintaq Komitəsinin Hərbi İstintaq Baş İdarəsinə təqdim edilmiş məlumat əsasında 5 cinayət işi başlanıb”, - deyə məlumatda bildirilib.
Alpər Mövludoğlu
Ordu.az
