Bunu Ordu.az-a açıqlamasında Türkiyə Prezidentinin baş müşaviri Yalçın Topçu bildirib.

"Bu alçaq hücumda şəhid olan qardaşımıza Allahdan rəhmət, ailəsinə və Azərbaycan xalqına başsağlığı, yaralılarımıza şəfalar diləyirəm. Böyük Atatürkün sözləri ilə desək, “Azərbaycanın sevinci sevincimiz, kədəri kədərimizdir”. Ümummilli lider Heydər Əliyevin dediyi kimi, “Biz bir millət, iki dövlətik”. Ankara Bakıdır, Bakı Ankaradır", - deyə Y. Topçu əlavə edib.

Qeyd edək ki, 27 yanvar 2023-cü il tarixində Bakı vaxtı ilə səhər saat 8:30 radələrində Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs avtomat silahla mühafizə postunu yararaq, mühafizə xidmətinin rəisini qətlə yetirib. Səfirliyin iki nəfər mühafizə əməkdaşı da hücumun qarşısını alarkən yaralanıblar. Onların vəziyyəti qənaətbəxşdir.

Ordu.az