Prays xatırladıb ki, Moskva ilə Vaşinqton arasında münasibətlərin gərgin olması səfirin işini çətinləşdirir. O, eyni zamanda Vaşinqtonun Rusiya ilə açıq ünsiyyət kanallarının saxlanmasının tərəfdarı olduğunu deyib.

İki ölkə arasında qapalı rejimdə xüsusi xidmət orqanlarının rəhbərləri səviyyəsində təmasların olduğu məlumdur. Açıq kanallı diplomatik təmasların öz əhəmiyyəti və zəruriliyi var. Həmin vəziyyət nə qədər uzaqda olsa da, Cənubi Qafqaz üçün də vacibdir. Bu mənada ABŞ-ın Ermənistandakı səfiri Lin Treysinin Moskvaya növbəti təyinatı regionda Rusiya-Amerika qarşıdurmasının mənfi təsirini neytrallaşdırmaq üçün kiçik, lakin hələ də əlverişli fürsət ola bilər.

Digər tərəfdən, burada məsələ sadəcə diplomatik xeyirxahlıq gözləmək çərçivəsində nəzərdən keçirilə bilməz. Dövlətlərin konkret istiqamətlər üzrə diplomatik missiyaları olsa da, bu, ümumilikdə, bir geniş siyasi strategiyanın arxitekturasının təfərrüatlarıdır. Ona görə də onlar praktikada qaçılmaz əlaqədədirlər, bu da bəzən aktiv rejimdə özünü göstərə bilər, bəzən isə yox.

Asif Cəfərov
Ordu.az