Zelenski NATO-dan qırıcı təyyarələr tələb edib

2022/03/zele--1647407843.jpg
Oxunub: 214     05:45     26 Yanvar 2023    
Ukrayna prezidenti Vladimir Zelenski Qərb tərəfdaşlarının tank tədarük etmək qərarından sonra NATO-dan Kiyevi qırıcı təyyarələrlə təmin etməyi tələb edib.

Ordu.az xəbər verir ki, bu barədə Ukrayna Prezident Aparatının saytında yerləşdirilən məlumatda deyilir.

“Mən NATO-nun baş katibi Yens Stoltenberqlə danışdım. Artilleriya sahəsində əməkdaşlığımızı genişləndirmək bizim üçün vacibdir, Ukraynaya təyyarələrin tədarükünə nail olmalıyıq”, - deyə qeyd olunur.

Ukraynanın F-16 qırıcılarını almaq istəyini bu ölkənin müdafiə nazirinin müşaviri Yuri Sak da Reuters agentliyinə müsahibəsində bildirib.

“Onları əldə etsək, döyüş meydanında üstünlüklər böyük olacaq... Təkcə F-16 deyil: dördüncü nəsil təyyarələr bizə lazımdır”, - deyə Sak bildirib.

Yanvarın 24-də Ukraynanın xarici işlər naziri Dmitri Kuleba bildirib ki, Aİ Kiyevə F-16 qırıcılarının təhvil verilməsini müzakirə edir.

Ordu.az

© Materiallardan istifadə edərkən hiperlinklə istinad olunmalıdır


Teqlər: Zelenski   Ukrayna  


Bizi "telegram"da izləyin